ياهل الغرام مامركم اريش العين
اللي لها في قسم الالعاب تذكار
علمي بها ياناس من يوم الاثنين
والحين ثمان اشهور ماجتنى اخبار
الجادل اللي حبها بالشرايين
يسري مع الدم الحمر كل ماسار
لاوعذابي منك ياكامل الزين
لوغبت عني ساعة صرت محتار
قطع الوصل ينهابة الرب والدين
حتى رسول الله وصي على الجار
ياهيه ياليتك عن الحال تدرين
ان كان مصار الذي بيننا صار
بعطيك انا قصة حياتي بحرفين
انتى على جرتي ومعاك الزمن جار
اسير الغربة عايشن بين نارين
مابين نار الحب وتصريف الاقدار
ياوردة الجوري بوسط البساتين
متميزة في لونها بين الازهار
اعيش في حبك على العسر والين
واموت فيك وخشم عمار بالنار
سلام منى عد ماشافت العين
وعداد مارشت هماليل الامطار
عليك ياللي فاطرن قلبي اثنين
ارحم رحمك اللي على الخلق ستار
